2016 jylǵy 8 tamyz, Astana qalasy
«Tabıǵat paıdalanýshylardy jáne qorshaǵan ortany lastaý kózderin memlekettik esepke alý Erejesin bekitý týraly» Qazaqstan Respýblıkasy Qorshaǵan ortany qorǵaý mınıstri mindetin atqarýshysy nyń 2007 jylǵy 6 tamyzdaǵy №252-ó buıryǵynyń kúshi
joıyldy dep taný týraly
«Quqyqtyq aktiler týraly» Qazaqstan Respýblıkasynyń 2016 jylǵy 6 sáýirdegi Zańynyń 27-babynyń 2-tarmaǵyna jáne 50-babynyń 2-tarmaǵyna sáıkes buıyramyn:
1. «Tabıǵat paıdalanýshylardy jáne qorshaǵan ortany lastaý kózderin memlekettik esepke alý Erejesin bekitý týraly» Qazaqstan Respýblıkasynyń Qorshaǵan ortany qorǵaý mınıstri mindetin atqarýshysynyń 2007 jylǵy 6 tamyzdaǵy № 252-ó buıryǵynyń kúshi joıyldy dep tanylsyn (Normatıvtik quqyqtyq aktilerdi memlekettik tirkeý tiziliminde №4904 bolyp tirkelgen, 2007 jylǵy 14 qyrkúıekte №141(1170) «Zań gazeti» gazetinde jarııalanǵan).
2. Qazaqstan Respýblıkasy Energetıka mınıstrligi Munaı-gaz keshenindegi ekologııalyq retteý, baqylaý jáne memlekettik ınspeksııa komıteti Qazaqstan Respýblıkasynyń zańnamasynda belgilengen tártippen:
1) osy buıryqqa qol qoıylǵan kúninen bastap onyń kóshirmesin bir aptalyq merzimde Qazaqstan Respýblıkasynyń Ádilet mınıstrligine, «Ádilet» aqparattyq-quqyqtyq júıesine jáne resmı jarııalaý kózderine, sondaı-aq Qazaqstan Respýblıkasy normatıvtik quqyktyq aktileriniń Etalondyq baqylaý bankine ornalastyrý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
2) osy buıryqty Qazaqstan Respýblıkasy Energetıka mınıstrliginiń ınternet-resýrstarynda ornalastyrýdy;
3) osy buıryqqa qol qoıylǵan kúninen bastap on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 1) jáne 2) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryq qol qoıylǵan kúninen bastap qoldanysqa engiziledi.
Qazaqstan Respýblıkasynyń Energetıka mınıstri Q.BOZYMBAEV